Fréttir

Vorsýningarnar sem haldnar voru 4.júní eru komnar inná Youtube þar sem hægt er að sjá allar þrjár sýningarnar. Hér er slóð sýningar þrjár: Sýning 1: https://youtu.be/o-SueXeFCYASýning Sýning 2: https://youtu.be/dZVfcfXUmRMSýning Sýning 3: https://youtu.be/Hxmbbh9Rh_o

Þar sem mjög mikil eftirspurn er búin að vera eftir leigu á fimleikasalnum fyrir afmæli þá er hann orðin uppbókaður til 12.júní. Því fer hver að verða síðastur að bóka afmæli fyrir sumarfrí, síðasta helgi fyrir sumarfrí er 26.júní. Byrjum svo aftur með afmælin 14.ágúst. Hægt er að senda póst á afmaeli@fimak.is til að bóka afmæli

Fimleikafélag Akureyrar óskar eftir að ráða þjálfara til að þjálfa Hópfimleika Áhaldafimleika Parkour Þyrfti að geta hafið störf í ágúst 2022. Frekari upplýsingar gefur Margrét Jóna, skrifstofustjóri félagsins, sími 462-1135 eða á skrifstofa@fimak.is

Laugardaginn 9. apríl næstkomandi fer fram Íslandsmót í áhaldafimleikum í sal Fimleikafélags Akureyrar við Giljaskóla. Íslandsmótið er fyrir keppendur í 1.-3. þrepi í áhaldafimleikum karla og kvenna en von er á um 90 keppendum frá 9 félögum. Þrep í fimleikum gefa til kynna kröfur til keppanda þar sem 1. þrep er erfiðasta þrep fimleikastigans. Þegar 1. þrepi er lokið öðlast keppendur rétt til að keppa í frjálsum æfingum sem líkja mætti við meistaraflokk. Þar sem þrepið er bundið við erfiðleikastig æfinga getur aldur keppenda í hverju þrepi verið breytilegur en flestir keppendur um helgina eru á aldrinum 11-14 ára. Í áhaldafimleikum kvenna er keppt á fjórum áhöldum, þ.e. gólfæfingum, stökki, tvíslá og jafnvægisslá. Í áhaldafimleikum karla er keppt á sex áhöldum, bogahesti, hringjum, stökki, tvíslá, svifrá og gólfæfingum.

Í dag var íþróttafólk Fimleikafélagsins fyrir árið 2021 krýnt. Þjálfarar völdu þau Jóhann Gunnar Finnsson úr hópfimleikum sem íþróttamann FIMAK 2021 og Maríu Sól Jónsdóttir úr áhaldafimleikum sem íþróttakonu FIMAK 2021. Þau eiga það sameiginlegt að hafa stundað íþróttina síðan á leikskólaaldri og með mikilli vinnu, ástundum og einbeitingu náð langt hvort í sinni grein. Jóhann Gunnar keppti með landsliði Íslands á Evrópumóti í hópfimleikum í desember þar sem liðið endaði í 3ja sæti og María keppir í frjálsum æfingum í áhaldafimleikum og komst í úrslit á stökki á íslandsmóti.

Hópfimleikamót verður haldið hjá Fimleikafélagi Akureyrar laugardaginn 26. mars. Við eigum von á besta hópfimleikafólki landsins. Mótið er fyrir annan, fyrsta og meistaraflokk. Meðal þátttakenda eru m.a. nýkrýndir Evrópumeistarar kvenna í hópfimleikum og við eigum því von á frábærri sýningu. Þetta er því einstakt tækifæri fyrir Akureyringa og nærsveitamenn til koma að sjá okkar færasta fólk. Keppnin er í tveimur hlutum. Fyrri hlutinn hefst kl. 12:40 og seinni hlutinn kl. 16:00. Dagskrá mótsins er að finna á síðu Fimleikasambands Íslands. Við hvetjum áhugafólk til að mæta!