Fréttir

Nú er Vorönn hafin hjá okkur. Laust er í nokkar hópa fyrir nýskráningar vegna brottfalla. Það er laust í alla leikskólahópa, einnig í 6-8 ára bæði kyn, og Parkour. Við hvetjum fólk til að hafa samband við okkur á skrifstofa@fimak.is ef það óskar eftir upplýsingum. Það má skilja eftir símanúmer og biðja okkur að hringja ef þið kjósið heldur að ræða við einhvern um starfið. Allir 6 ára og eldri sem voru á haustönn eru sjálfkrafa skráðir áfram en þurfa samt sem áður að skrá sig í Nora til að ganga frá greiðslu. Opnað verður fyrir Nora hjá 6 ára og eldri um helgina. 3-5 ára þarf að skrá á hverja önn og er það gert í gegnum Nora https://fimak.felog.is/ , búið er að opna fyrir skráningu þar. Nýskráningar 6 ára og eldri fara hins vegar fram í gegnum skráningarform á heimasíðu félagsins https://www.fimak.is/is/skraning-idkenda Við höfum svo samband þegar við finnum út hvaða hópur hentar barninu best m.t.t. til aldurs.

Fimleikafélagið óskar öllum Gleðilegt ár og farsældar á nýju ári. Fimleikastarfið fer í gang aftur eftir jólafrí mánudaginn 4. janúar. Við erum bjartsýn með komandi ár og trúum því að takmarkanir við æfingar komi ekki til eins og árið 2020 og minnum í leiðinni á að haustönnin var framlengd og líkur 17. janúar 2021. Ef iðkandi ætlar ekki að halda áfram á vorönn þá vinsamlegast látið vita á netfangið skrifstofa@fimak.is. Ekki þarf að tilkynna með þátttöku hjá laugardagshópum. Skráning í Nora dugar til að staðfesta skráningu í leikskólahópana.

Nú styttist í jólafrí hjá fimleikafélaginu. Laugardagshóparnir okkar fóru í jólafrí síðastliðin laugardag eftir góða heimsókn frá hressum jólasveinum. Aðrir hópar (A-hópar, M-hópar, Parkour, I5, K3 og F3-F5) fara í jólafrí á föstudaginn kemur 18. desember. Gerð var forsrkráning hjá keppnishópum þar sem þeim var gert kleyft að mæta á æfingar vikuna fyrir jól og milli jóla og nýjárs. Þeir sem skráðu sig á þær æfingar þurfa að fygljast vel með á Sportabler þar sem æfingatími verður óhefðbundinn og settur þar inn. Það hefur ekki farið fram hjá neinum að árið 2020 hefur reynst erfitt í marga staði og þar er almenn íþróttaiðkun ekki undaskilin. Æfingar hafa fallið niður í langan tíma vegna þeirra sóttvarna sem gripið hefur verið til í landinu. Til að koma til móts við iðkendur vegna æfingataps hefur stjórn Fimleikafélagsins tekið ákvörðun um að framlengja haustönnina til 17. janúar 2021. Þeir sem hafa greitt æfingagjöld fyrir haustönn geta því æft fram í janúar. Vorönn hefst 19. janúar 2021.

Æfingar hjá leikskólahópum hefjast aftur eftir sóttvarnarhlé laugardaginn 21. nóvember 2020. Forsenda þess að æfingar geti hafist er að foreldrar komi ekki inn í húsið. Við verðum því með "móttökunefnd" í forstofunni sem tekur á móti krökkunum og kemur þeim inn í æfingasalinn og skilar þeim aftur í forstofuna að æfingu lokinni. Yngstu krakkarnir verða merkt með símanúmeri foreldra til að auðveldara verði að ná í foreldra ef eitthvað kemur upp á og þau fá heimþrá. Við biðjum foreldra að leggja bifreiðum í stæði þegar krakkarnir eru sótt og koma og sækja þau að forstofunni til að koma í veg fyrir slysahættu á bílaplaninu. Við vonum að krakkarnir treysti sér til að koma á æfingu þó foreldrar verði að bíða fyrir utan og allir verði glaðir að tíma loknum.

Félagsmálaráðuneytið hefur opnað fyrir umsóknir á íþrótta- og tómstundastyrkjum fyrir börn sem koma frá tekjulágum heimilum. „Covid-19 faraldurinn hefur haft gríðarleg áhrif á allt íþrótta- og tómstundastarf í landinu. Þegar þrengir að fjárhag fjölskyldna er mikil hætta á að þær dragi úr þátttöku barna í íþrótta- og tómstundastarfi,“ segir Ásmundur Einar Daðason, félags- og barnamálaráðherra. Félagsmálaráðuneytið hefur nú opnað fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum. Markmiðið með þeim er að jafna tækifæri barnanna til þátttöku í skipulögðu íþrótta- og tómstundastarfi. Styrkirnir koma til viðbótar hefðbundnum íþrótta- og tómstundastyrkjum sveitarfélaga. Alls verður um 900 milljónum króna varið í verkefnið árin 2020 og 2021.

Á morgunn fimmtudaginn 19. nóvember hefjast æfingar að nýju eftir að sóttvarnarreglur voru rýmkaðar. Fimleikahúsinu hefur verið skipt í fjögur hólf og skv. Nýjum sóttvarnarreglum mega aðeins 25 iðkendur í 5. -10 bekk vera í hverju hólfi að viðbættum tveim þjálfurum og 50 iðkendur í 1. -4. bekk að viðbættum tveim þjálfurum. Iðkendur 16 ára og eldri eru ennþá í æfingabanni. Mikilvægt er að fylgjast vel með Sportabler því einhverjar æfingar geta færst til í stundatöflu næstu daga og vikulegur æfingatími stytts. Öll skilaboð frá þjálfurum fara fram í gegnum Sportabler. Við munum nota 3 innganga inn í húsið svo vinsamlegast kynnið ykkur mynd af skiptingunni og hvaða inngangur á við um ykkar barn.

Í ljósi þess að FSÍ var rétt í þessu að gefa út nýjar vinnureglur sem ÍSÍ hefur samþykkt þá þurfum við að nýta morgundaginn sem starfsdag og undirbúnings fyrir æfingar sem hefjast á fimmtudaginn. Vinsamlegast athugið að stundaskrá gæti riðlast meðan krafa um hólfaskiptingar og takmörkun á fjölda þjálfara í sal er til staðar. Reynt verður að koma öllum að í æfingum en þeir sem æfa mest gætu lent í að tímum fækki eithhvað. Vinsamlegast fylgist með á Sportabler hvenær æfingar eru.