Mikil mótahelgi að baki
Um helgina fór fram Íslandsmót unglinga í hópfimleikum. Mótið var haldið hjá Stjörnunni í Garðabæ og sendum við 4 lið til keppni. Við áttum tvö lið í 2. flokk sem höfnuðu í 6. og 10. sæti. Eitt lið í 3. flokk sem hafnaði í 6. sæti og eitt lið í opnum flokk sem hafnaði í 4. sæti þar af 2. sæti á dýnu og 3. sæti á trampólíni. Glæsilegur árangur það.
Um helgina fór einnig fram seinni hluti Bikarmóts í áhaldafimleikum þar sem keppt var í 4. & 5. þrepi drengja og stúlkna. Ekkert strákalið fór frá fimleikafélaginu en við sendum 5 keppendur sem kepptu sem gestir á mótinu. Birgir Valur Ágústsson keppti sem gestur í 5. þrepi og var hann fjórði stigahæsti í fjölþraut á mótinu af 39 keppendum. Í 4. þrepi stúlkna sendum við tvö lið til keppni, annað liðið endaði í 4. sæti og hitt í því 13. Í 4. þrepi stúlkna var Petra Reykjalín Helgadóttir 4. stigahæst í fjölþraut af 89 keppendum. í 5. þrepi sendum við einnig tvö lið til keppni þar sem annað liðið hafnaði í 11. sæti og hitt í því 21. Til viðbótar þeim sem höfðu áður unnið sér inn rétt til þátttöku á Íslandsmóti í áhaldafimleikum eru þær Emilía Björk Jóhannsdóttir, Marý Lind Rúnarsdóttir og Þórey Edda Þórleifsdóttir í 4. þrepi og í 5. þrepi Agnes Birta Eiðsdóttir. Laugardaginn 2. febrúar fór fram fyrri hluti bikarmóts í áhaldafimleikum í Björkunum í Hafnarfirði. Þar mætti til leiks eitt lið í 3. þrepi frá fimleikafélaginu ásamt einum gestakeppanda. Liðið í 3. þrepi hafnaði í 8. sæti. Til hamingju með frábæran árangur.
Hér má sjá myndur frá 3. þrepi í áhaldafimleikum
Stjórn FIMAK